Partidazo esta mañá en Arrabaldo e vitoria importantísima do Arranxar de cara ao obxectivo da clasificación para a segunda fase da Copa Deputación. Madrugón que mereceu a pena. Sol e chuvia alternáronse ao longo do encontro. Primeira metade cunha parte para cada equipo. Saíu enchufado o Arranxar, cunha defensa moi seria e ben colocada que impedía as chegadas perigosas do Ponte, e balóns longos buscando a Isma, Javi e Juan creando moito perigo adiante. Con 2:0 no marcador e a sensación de que podía ser algún máis, tras varias clarísimas ocasións, incluindo un balón ao pau, chegou unha contra do Ponte que poría o 2:1 e levaría os nervios ao equipo local. Buscou o empate o Ponte, intentando aproveitar algunha imprecisión da zaga local, pero o que chegou foi o terceiro do Arranxar. Algún máis puido chegar, pero a sorte non quixo acompañar. Chegaríase ao descanso con 3:1 no marcador. A segunda metade comezou con dominio visitante. Multiplicáronse as imprecisións e os nervios dos locais, máis cando aos dez minutos chegou o 3:2. Cando o empate sobrevoaba o ceo de Arrabaldo, saíu a relucir de novo o perigoso tridente do ataque local que poría o 4:2 no marcador. A partir de entón abriuse o partido e calquera podía marcar. No minuto 25, a mellor oportunidade dos visitantes, pero non aproveitaron o penalti para acortar distancias. Faríanno dez minutos despois. Claro que o Arranxar tamén tivo as súas claras ocasións. A sentencia chegaría nos últimos minutos, co quinto e o sexto tanto local. Ao final, 6:3. Merecida vitoria e tres puntos de ouro que reafirman o Arranxar no alto da clasificación. Parabéns, rapaces! A seguir traballando así!
Partidazo esta mañá en Arrabaldo e vitoria importantísima do Arranxar de cara ao obxectivo da clasificación para a segunda fase da Copa Deputación. Madrugón que mereceu a pena. Sol e chuvia alternáronse ao longo do encontro. Primeira metade cunha parte para cada equipo. Saíu enchufado o Arranxar, cunha defensa moi seria e ben colocada que impedía as chegadas perigosas do Ponte, e balóns longos buscando a Isma, Javi e Juan creando moito perigo adiante. Con 2:0 no marcador e a sensación de que podía ser algún máis, tras varias clarísimas ocasións, incluindo un balón ao pau, chegou unha contra do Ponte que poría o 2:1 e levaría os nervios ao equipo local. Buscou o empate o Ponte, intentando aproveitar algunha imprecisión da zaga local, pero o que chegou foi o terceiro do Arranxar. Algún máis puido chegar, pero a sorte non quixo acompañar. Chegaríase ao descanso con 3:1 no marcador. A segunda metade comezou con dominio visitante. Multiplicáronse as imprecisións e os nervios dos locais, máis cando aos dez minutos chegou o 3:2. Cando o empate sobrevoaba o ceo de Arrabaldo, saíu a relucir de novo o perigoso tridente do ataque local que poría o 4:2 no marcador. A partir de entón abriuse o partido e calquera podía marcar. No minuto 25, a mellor oportunidade dos visitantes, pero non aproveitaron o penalti para acortar distancias. Faríanno dez minutos despois. Claro que o Arranxar tamén tivo as súas claras ocasións. A sentencia chegaría nos últimos minutos, co quinto e o sexto tanto local. Ao final, 6:3. Merecida vitoria e tres puntos de ouro que reafirman o Arranxar no alto da clasificación. Parabéns, rapaces! A seguir traballando así!
ResponderEliminar