Este vindeiro sábado 16 de xuño disputarase a terceira edición do Torneo de Fútbol 7 organizado pola Cruz Vermella de Ourense, dentro da campaña de promoción do Sorteo de Ouro. Trátase dun Torneo con dúas categorías, Benxamín e Alevín, e os partidos xogaranse en Oira.
O Arranxar participará en ámbalas dúas categorías. O equipo benxamín está encadrado no Grupo 2, e terá como rivais o Allariz B (12:00), o Ourense B (15:30) e o Ponte (16:30). Pola súas banda, o equipo alevín está encadrado no Grupo 3, e terá como rivais o Velle (10:00), o Ponte B (12:00), o Allariz (15:30) e o Nogueira (18:00).
Na categoría benxamín, clasifícanse para semifinais os campións de cada grupo, máis o mellor segundo dos tres grupos. Na categoría alevín, clasifícanse para semifinais os campións dos grupos 1 e 2, máis o primeiro e o segundo do grupo 3 (onde se atopa o Arranxar).
A continuación, máis información facilitada pola organización do Torneo, co resto de grupos e os emparellamentos. Agradecer á Cruz Vermella de Ourense a súa amabilidade.
No hay comentarios:
Publicar un comentario
Nota: solo los miembros de este blog pueden publicar comentarios.