Terceira vitoria consecutiva do equipo alevín, segunda nesta Copa Delegación, nunha fresca e soleada mañá no campo de fútbol do Campus Universitario. Dúas partes para cada equipo. Na primeira dominou un Arranxar que hoxe vestía de azul. Saídas rápidas de Rubén, buscando adiante a Raúl, Salva e Javi. A piques está Raúl de adiantar aos visitantes, pero o seu lanzamento dentro da área é despexado polo porteiro nunha excelente intervención. Era o minuto 2. No 5 marca Javi, pero o árbitro anula o tanto por fóra de xogo. Turno de Salva catro minutos despois. Un primeiro lanzamento frouxo que despexa o porteiro, un segundo lanzamento que sae fóra. Inténtao Manu desde lonxe, pero o balón sae alto. Segue buscando o tanto o Arranxar. Contra perigosa levada por Salva e o balón remata en córner. No lanzamento do mesmo, remate de Manu fóra por pouco. Chega por fin o premio. Minuto 15, centra Manu desde a banda esquerda e o despexe do porteiro é remachado por Rubén levando o 0:1 ao marcador. Pouco traballo para Héctor nesta primeira metade, con Osama e Iago atentos atrás evitando o perigo local. Continúan as chegadas perigosas do Arranxar. No 16, contra que leva Raúl pola banda dereita, pase a Salva e o seu lanzamento sae rozando o pau. Un minuto despois, córner que remata Javi e o porteiro forza un novo córner, rematado esta vez por Salva fóra. Merece o segundo o Arranxar. No minuto 21 inténtao Manu, pero o porteiro da Purísima estivo hoxe moi atento. Xusto antes do descanso, a ocasión máis clara dos locais, contra perigosa pero o lanzamento frouxo é blocado por Héctor. Chégase ao descanso cun merecido e curto triunfo do Arranxar. Segunda parte para o equipo da Purísima, que saíu cunha velocidade máis que o equipo rival, presionando en todo o campo e con constantes acercamentos perigosos. Con tan só dous minutos de xogo chega o 1:1. Claras ocasións de gol nos primeiros dez minutos que a piques están de darlle a volta ao marcador. Cando peor o estaban a pasar os rapaces do Arranxar, apareceu Rubén. Minuto 12. Xogada espectacular. Colle o balón no seu propio campo, vaise veloz de todos os defensas, encara ao porteiro e marca o 1:2. Desperta o Arranxar. No 14, de novo Rubén, pola banda esquerda, centra e remate de Javi anulado polo colexiado por fóra de xogo. Un minuto despois, lanzamento de Adrián e o balón peta no longueiro. Non se renden os locais. No 16, tiro lonxano que bloca Héctor. Partido vibrante, no que calquera pode marcar. No 17, Javi primeiro e Salva despois, pero a defensa e o porteiro evitan o tanto. No 20, a piques de chegar o empate. Contra perigosa dos locais, e Osama evita o tanto. Segue a emoción. Un minuto despois, xogada de Salva pola banda dereita, pero o seu centro non atopa rematador. Última xogada para os rapaces da Purísima, nova contra perigosa pero o balón sae alto. Alivio no cadro visitante cando o árbitro sinala o final do encontro. Vitoria sufrida, pero importantísima, sobre todo de cara aos dous vindeiros encontros, contra o Santa Teresita e o Pavillón, que determinarán o futuro do Arranxar nesta Copa Delegación. De momento, pleno de vitorias e a ilusión que segue intacta.
Goles
Primeira parte: 0:1 (minuto 15) Rubén
Segunda parte: 1:1 (minuto 2) 1:2 (minuto 12) Rubén
Terceira vitoria consecutiva do equipo alevín, segunda nesta Copa Delegación, nunha fresca e soleada mañá no campo de fútbol do Campus Universitario. Dúas partes para cada equipo. Na primeira dominou un Arranxar que hoxe vestía de azul. Saídas rápidas de Rubén, buscando adiante a Raúl, Salva e Javi. A piques está Raúl de adiantar aos visitantes, pero o seu lanzamento dentro da área é despexado polo porteiro nunha excelente intervención. Era o minuto 2. No 5 marca Javi, pero o árbitro anula o tanto por fóra de xogo. Turno de Salva catro minutos despois. Un primeiro lanzamento frouxo que despexa o porteiro, un segundo lanzamento que sae fóra. Inténtao Manu desde lonxe, pero o balón sae alto. Segue buscando o tanto o Arranxar. Contra perigosa levada por Salva e o balón remata en córner. No lanzamento do mesmo, remate de Manu fóra por pouco. Chega por fin o premio. Minuto 15, centra Manu desde a banda esquerda e o despexe do porteiro é remachado por Rubén levando o 0:1 ao marcador. Pouco traballo para Héctor nesta primeira metade, con Osama e Iago atentos atrás evitando o perigo local. Continúan as chegadas perigosas do Arranxar. No 16, contra que leva Raúl pola banda dereita, pase a Salva e o seu lanzamento sae rozando o pau. Un minuto despois, córner que remata Javi e o porteiro forza un novo córner, rematado esta vez por Salva fóra. Merece o segundo o Arranxar. No minuto 21 inténtao Manu, pero o porteiro da Purísima estivo hoxe moi atento. Xusto antes do descanso, a ocasión máis clara dos locais, contra perigosa pero o lanzamento frouxo é blocado por Héctor. Chégase ao descanso cun merecido e curto triunfo do Arranxar. Segunda parte para o equipo da Purísima, que saíu cunha velocidade máis que o equipo rival, presionando en todo o campo e con constantes acercamentos perigosos. Con tan só dous minutos de xogo chega o 1:1. Claras ocasións de gol nos primeiros dez minutos que a piques están de darlle a volta ao marcador. Cando peor o estaban a pasar os rapaces do Arranxar, apareceu Rubén. Minuto 12. Xogada espectacular. Colle o balón no seu propio campo, vaise veloz de todos os defensas, encara ao porteiro e marca o 1:2. Desperta o Arranxar. No 14, de novo Rubén, pola banda esquerda, centra e remate de Javi anulado polo colexiado por fóra de xogo. Un minuto despois, lanzamento de Adrián e o balón peta no longueiro. Non se renden os locais. No 16, tiro lonxano que bloca Héctor. Partido vibrante, no que calquera pode marcar. No 17, Javi primeiro e Salva despois, pero a defensa e o porteiro evitan o tanto. No 20, a piques de chegar o empate. Contra perigosa dos locais, e Osama evita o tanto. Segue a emoción. Un minuto despois, xogada de Salva pola banda dereita, pero o seu centro non atopa rematador. Última xogada para os rapaces da Purísima, nova contra perigosa pero o balón sae alto. Alivio no cadro visitante cando o árbitro sinala o final do encontro. Vitoria sufrida, pero importantísima, sobre todo de cara aos dous vindeiros encontros, contra o Santa Teresita e o Pavillón, que determinarán o futuro do Arranxar nesta Copa Delegación. De momento, pleno de vitorias e a ilusión que segue intacta.
ResponderEliminarGoles
Primeira parte:
0:1 (minuto 15) Rubén
Segunda parte:
1:1 (minuto 2)
1:2 (minuto 12) Rubén